Ġie ffirmat ftehim bejn l-Università ta’ Malta u l-Awtorità ta’ Standards għall-Persuni Anzjani sabiex jissaħħaħ il-livell ta’ kollaborazzjoni fis-setturi tal-ġerontoloġija u l-ġerjatrija.
Dan il-ftehim għandu l-għan li jsaħħaħ il-kollaborazzjoni bejn iż-żewġ entitajiet permezz tal-iskambju tal-informazzjoni, għarfien u riċerka, speċjalment fil-qasam tas-servizzi għall-anzjani. Il-ftehim jipprovdi wkoll opportunitajiet lill-impjegati tal-awtorità biex isegwu l-kors Higher Diploma in Gerontology and Geriatrics. Bl-istess mod l-Univeristà se tqassam il-pubblikazzjonijiet akkademiċi marbutin mal-qasam tal-ġerontoloġija sabiex tippromwovi prattiċi aħjar u tiżviluppa standards ogħla fil-kura tal-anzjani.
Dikjarazzjoni mill-Ministeru tal-Edukazzjoni tikkwota lill-Ministru Clifton Grima dwar l-importanza għar-riċerka, li twassal għall-kisba ta’ aktar informazzjoni u għarfien dwar is-settur tal-anzjanità.
Is-Segretarju Parlamentari, Malcolm Paul Agius Galea enfasizza dwar l-importanza ta’ din il-kollaborazzjoni biex isaħħaħ il-livell tal-kura tal-anzjani f’Malta.
Ir-Rettur tal-Università, Alfred Vella, qal li ftehim bħal dan isaħħaħ il-kollaborazzjoni bejn entitajiet akkademiċi u l-awtoritajiet governattivi sabiex itejbu l-livell tal-edukazzjoni u s-servizzi f’Malta.
